Autoritetet serbe kanë deklaruar se një varkë me emigrantë u përmbys teksa kalonte nga Serbia në Bosnjë, nëpër lumin Drina.
Ministri i Brendshëm i Serbisë, Ivica Daçiç, deklaroi se policia serbe u njoftua rreth orës 5 të mëngjesit nga autoritetet në Bosnjë dhe nga një qytetar.
Gjithashtu ministri Daçiç tha se 18 imigrantë, në mesin e të cilëve tre fëmijë, arritën të kalonin në Bosnjë, ndërsa 25 persona ishin në varkë kur ajo u përmbys.
Ndërkohë gjatë kërkimeve janë gjetur shatë trupa emigrantësh.
Imigrantët që shfrytëzojnë të ashtuquajturën rrugë tokësore ballkanike në përpjekjet e tyre për të arritur në Evropën Perëndimore, hyjnë në Serbi nga Bullgaria ose Maqedonia e Veriut përpara se të shkojnë në Hungari, Kroaci ose Bosnjë.
/abcnews.al/
