Prokuroria italiane ka kërkuar 280 vite burg për anëtarët e grupit të Dritan Rexhepit. Ndërkohë për të cilësuarin si koka e trafikut të kokainës nga Ekuadori në Europë, Dritan Rexhepi, janë kërkuar 20 vite burg nga organi i akuzës në Itali. Dritan Rexhepin, u bë i njohur për drejtimin e trafikut të kokainës në të gjithë Europën por edhe për porositjen e rrëmbimit të Jan Prengës, trupi i të cilit nuk u gjet kurrë.
Dritan Rexhepi (me shumë emra) në Shqipëri rezulton i dënuar në mungesë me 25 vite burgim, për vrasjen e dy policëve në Fushë-Krujë, Arben Keqi e Durim Kasmi, ngjarje kjo e ndodhur në vitin 1998.
Rexhepi është në kërkim nga të paktën 3 shtete (Shqipëri, Spanjë dhe Itali). 40-vjeçari nga Vlora është arratisur jo pak herë nga burgu, në vitin 2007, nga Policia e Durrësit, në Shqipëri, në 2011, nga burgu i Vogheras, Itali, dhe nga burgu Merksplas, Belgjikë, në të njëjtin vit. /abcnews.al/
