Tottenham po vuan në kampionat, teksa ndryshe është situata në Europa League. Ekipi i Jose Mourinhos fitoi 4-0 përballë Wolfsberger dhe siguroi kualifikimin në raundin e 1/8 pasi kishte fituar 1-4 edhe ndeshjen e parë.
Sfida u zhbllokua nga Dele Alli, i cili realizoi një gol fantastik me roveshatë. Fantazisti qëndroi 18 ditë jashtë fushave për shkak të një dëmtimi të pësuar në tendinë, por po e merr veten gradualisht. “Special One” nuk i kurseu elozhet për golin që realizoi anglezi.
“Nuk është e nevojshme të flas për golin e Dele Alli, të gjithë e panë dhe besoj se do transmetohet gjatë në kanalet sportive në gjithë botën. Nuk vlen të komentosh një finalizim dhe ekzekutim të tillë. Rëndësi ka ndeshja që luajti.
? Sensational goal from Dele Alli! #THFC #COYS #TOTWAC
— TranSPURS (@TranSPURS) February 24, 2021
Në përgjithësi, Dele zhvilloi një takim të mirë nga çdo pikëpamje. Padyshim që i mungon freskia fizike. Dallohet që niveli i tij bie pas minutës së 60-të, por është normale duke marrë parasysh rrethanat në të cilat ndodhet.
Dëmtimi i pësuar dhe humbja e seancave stërvitore për një kohë të gjatë kanë ndikimin e vet. Po luajmë çdo tre ditë dhe është fantastike që e kemi sërish në dispozicion në të tilla nivele“, theksoi trajneri i njohur portugez. /abcnews.al
