Kriza humanitare po përkeqësohet në Jemen, ku të paktën 19.5 milionë banorë do të kenë nevojë për ndihmë humanitare në vitin 2025, tha dje Zyra e OKB-së për Koordinimin e Çështjeve Humanitare (OCHA), duke shprehur shqetësim të veçantë për fatin e fëmijëve që vuajnë nga kequshqyerja.
“Popullsia e Jemenit vazhdon të përballet me një krizë të rëndë humanitare dhe të mbrojtjes civile,” i tha Këshillit të Sigurimit Joyce Misouya, zëvendësdrejtoreshë e OCHA.
“Të paktën 19.5 milionë njerëz në Jemen kanë nevojë për ndihmë dhe mbrojtje humanitare këtë vit, ose 1.3 milionë më shumë se në vitin 2024”, sqaroi ajo.
“Pothuajse gjysma” e popullsisë së Jemenit, me fjalë të tjera, më shumë se 17 milionë njerëz, “nuk mund të plotësojnë nevojat e tyre bazë ushqyese”, shtoi zyrtari i OKB-së, duke shprehur shqetësimin për “më të margjinalizuarit”, siç janë gratë dhe fëmijët sa i përket “4.8 milionë zhvendosur me forcë”./abcnews.al
