Ka përfunduar rinumërimi i 1508 vendvotimeve me vendim të PZAP-së në Qendrën e Numërimit dhe Rezultateve.
Nga rezultatet e nxjerra pas rinumërimit, Nisma Socialdemokrate deklaron se e ka kaluar pragun Këtë e kanë bërë të ditur zyrtarët e Nismës, të cilët kanë thënë se pas rinumërimit Nisma përfundimisht do të jetë pjesë e Kuvendit të Kosovës.
Partia e Fatmir Limajt e ka kaluar pragun për 30 vota.
Fatmir Limaj, Behgjet Pacoli, Endrit Shala, Haxhi Shala, Albulena Balaj dhe Mirlinda Sopi do të jenë deputetët e këtij koalicioni në legjislaturën e ardhshme.
Ndërkaq, pritet edhe njoftimi zyrtar i KQZ./abcnews.al
