Portieri i Manchester United, David De Gea, nuk ka kaluar një nga sezonet e tij më të mira. Gardiani spanjoll është vënë shpesh në qëndër të kritikave nga analistët dhe tifozët për përformancat e tij, ku gabimet nuk kanë munguar për gjatë gjithë sezonit në Premier League.
Mesa duket klubi anglez e ka gjetur zgjidhjen dhe ka vendosur të punësojë një vëzhgues lojtarësh, i cili do të raportojë tek drejtori i përgjithshëm i merkatos. Të gjithë të interesuarit mund të bëjnë aplikimin në faqen zyrtare të Manchester United, ku që në fillim theksohet se kandidati duhet të dijë specifikisht të analizojë portierët.
Gjithashtu detyra të tjera për analistin do të jenë dhe mbledhja e të dhënave dhe informacioneve për lojtarët në rrjetin global që “Djajtë e Kuq” tashmë kanë ngritur. Aplikanti ka nevojë për një kualifikim të nivelit master në degën e sportit si dhe të ketë përvojë të mëparshme në një klub futbolli. /abcnews.al
