Presidenti i Real Madrid, Florentino Perez është një nga themeluesit kryesorë të Superligës Europiane, kaq të kontestuar në ditët e fundit.
Klubet e ashtuquajtura të vogla në këtë ligë të re u menjanuan në njëfarë mënyre, duke lënë vetëm 5 vende të lira, tërësisht të pamjaftueshme për numrin e madh të tyre në 5 ligat kryesore europiane.
Ky ishte një nga problemet e këtij formati dhe nga Spanja, Fernando Roig, presidenti i Villarreal e gjen fajin te egoizmi i presidentit të Superligës, Florentino Perez.
“Florentino Perez është thjesht një njeri egoist, egoist dhe egoist. Ai mendon vetëm për Real Madridin. Ne, në Villarreal, nuk kemi nevojë që ai të na shpëtojë nga kriza”, u shpreh Roig. /abcnews.al
