Përdhunimi i një 13-vjeçareje në Itali nga një grup emigrantësh të paligjshëm të moshës 15-19-vjeç, ka ngjallur reagime të ashpra në Itali.
E mitura u përdhunua përpara të dashurit të saj 17-vjeçar në një banjë publike, ndërsa ngjarja ndodhi në parkun Villa Bellini në Catania të Siçilisë pasditen e 30 janarit.
Pas lajmit, zëvendëskryeministri i Italisë Matteo Salvini, kërkoi kastrimin kimik të autorëve.
“Vajza u përdhunua nga një grup prej shtatë egjiptianësh. Vetëm një zgjidhje ka për këtë rast, kastrimi kimik”, tha Salvini.
Sipas tij, partia e tij së shpejti do të paraqesë propozimin për këtë çështje me deputeten Annalisa Tardino duke shtuar se kastrimi kimik është i nevojshëm për përdhunuesit dhe pedofilët.
/abcnews.al
