Dy miliarderët e teknologjisë, Elon Musk dhe Mark Zuckerberg kanë konfirmuar zyrtarisht që do të luftojnë njëri-tjetrin në një ndeshje të arteve marciale të përziera në kafaz.
Në një postim, ceo o Tesla dekoroi se dueli i tij kundër Zuckerberg do të transmetohet live në rrjetin social “X”, i njohur më parë si Twitter. “Të gjitha të ardhurat do të shkojnë për bamirësi për veteranët”, shkruan Musk, pa dhënë detaje të mëtejshme.
Ende nuk është caktuar një datë se kur dy miliarderët e teknologjisë do të ndeshen me njëri tjetrin. Megjithate themeluesi i Facebook, Zuckerberg shkroi ne Threads, platformën e tij më të re të mediave sociale, që ai është gati. Ai madje njoftoi se ka propozuar si datë 26 gushtin.
“Unë sugjerova 26 gushtin kur ai me sfidoi për herë të parë, por ai nuk e ka konfirmuar”, shkroi Zuckerberg. Shumë nuk janë ende të bindur nëse është thjesht një përplasje në rrjete sociale apo do të ketë në të vërtet një ndeshje në kafaz.
Rivaliteti i tyre u nxit muajt e fundit pasi Zuckerberg hapi Threads, një platformë e ngjashme me “Twitter”, në një lëvizje të qartë për të përfituar nga pakënaqësia në rritje e përdoruesve dhe reklamuesve nga kompania e rrjeteve sociale të Musk.
/abcnews.al
