Qyteti i Oslos ka krijuar një statujë për fokën e detit, e cila ishte e famshëm në Norvegji. Por kafsha u vra për shkak të “shqetësimeve të sigurisë publike”.
Freya e cila peshonte rreth 600 kg u eutanazua gushtin e kaluar, duke shkaktuar zemërim në të gjithë vendin. Gjitari u bë i famshëm sepse ngjitej në varka për t’u bërë banja dielli dhe në disa raste i fundoste ato.
Skulptura prej bronzi përshkruan Freya të shtrirë në breg të detit.
“Kështu sillen njerëzit me natyrë, por kështu sillen edhe njerëzit me njerëzit. Kështu e trajtuam ne Freya. Dhe do ta quaj këtë statujë ‘Për mëkatet tona'”, tha krijuesi Astri Tonoian.
Një fushatë në internet mblodhi 25,000 dollarë për të krijuar statujën.
“E nisa këtë fushatë sepse jam i indinjuar me mënyrën se si Drejtoria (norvegjeze) e Peshkimit dhe shteti e kanë trajtuar këtë situatë”, tha organizatori i fushatës Erik Holm për agjencinë e lajmeve AFP.
Autoritetet lokale pohuan se njerëzit injoruan paralajmërimet për të mos u afruar shumë me kafshën, duke e vënë atë dhe veten në rrezik. Në një nga incidentet e Freyas, policia rrethoi një zonë noti pasi luani detit ndoqi një grua, raportuan mediat lokale në atë kohë.
Ministria e Peshkimit e Norvegjisë kishte publikuar një foto të një grupi të madh njerëzish, duke përfshirë fëmijë, që qëndronin pranë kafshës.
“Vendimi për të vrarë kafshën u bazua në një vlerësim të përgjithshëm të kërcënimit të vazhdueshëm ndaj sigurisë njerëzore. Kafsha është vrarë në mënyrë humane, dhe trupi i saj është ekzaminuar nga veterinerët”, tha Frank Bakke Jensen, drejtor i përgjithshëm i shërbimit të peshkimit
Freya, u pa për herë të parë në Oslo në mes të korrikut të kaluar dhe u emërua pas perëndeshës norvegjeze të bukurisë dhe dashurisë.
Si një specie e mbrojtur, fokat e detit zakonisht jetojnë më në veri në Arktik. Ata zakonisht nuk sulmojnë njerëzit, me përjashtime të rralla. Në një park të kafshëve të egra në Kinë në vitin 2016, një turist dhe një kujdestar i kopshtit zoologjik u vranë nga një fokë deti. Turisti thuhet se po bënte selfie me krijesën kur ajo e tërhoqi atë nën ujë. Roja u përpoq të shpëtonte turistin, por foka e tërhoqi edhe atë brenda. /abcnews.al
