Ministria e Punëve të Jashtme të Kinës u bëri thirrje sot vendeve që kanë vendosur masa ndaj qytetarëve kinezë për të parandaluar COVID-19 , të bazohen në fakte dhe në shkencë.
Masat parandaluese të COVID-19 nuk duhet të jenë diskriminuese dhe nuk duhet të ndikojnë në lëvizjen normale të njerëzve midis dy vendeve, tha në një konferencë për shtyp zëdhënësi i Ministrisë së Jashtme kineze Wang Wenbin.
Ambasada e Kinës në Korenë e Jugut njoftoi më herët sot se ka pezulluar lëshimin e vizave të hyrjes afatshkurtra për vizitorët nga Koreja e Jugut në përgjigje të kufizimeve shëndetësore të vendosura nga Seuli për udhëtarët kinezë, të cilat Kina i ka konsideruar “diskriminuese”.
Kina rihapi kufijtë e saj të dielën, duke hequr masën e fundit të madhe të kontrollit si pjesë e politikës së saj “zero COVID”.
Bllokimet e shpeshta, testimet e pandërprera dhe kufizimet e tjera të ndryshme në lëvizje që nga fillimi i vitit 2020 e kanë çuar ekonominë e dytë më të madhe në botë në një nga ritmet e saj më të ngadalta të rritjes në gati gjysmë shekulli dhe duke rritur shqetësimet.
/abcnews.al
