“Jemi në post-diktaturë dhe jo në post-modernizëm”, deklaron pedagogu i arteve Ardian Isufi.
I ftuar në emisionin “Refleksione”, Isufi sqaroi se post-modernizmi ka nevojë për demokraci liberale ku i jepet përparësi individit. Ai shtoi se Post-modernizmi është si një pasqyrë e modernizmit.
Ndër të tjera pedagogu theksoi se kur ka një post ka një krizë që ndodh me modernizmin ashtu siç ka ndodhur për të bërë një lidhje me impresionizmin. Kriza e saj ishte ajo që solli post-impresionizmin që padyshim shkëlqyen akoma më shumë në raportin që kishin me shoqërinë dhe natyrën.
Lexo edhe: Piktori dhe pedagogu Ardian Isufi në Refleksione: Edhe artisti është kafshë politike
“Ne jemi në një post-diktaturë sesa në një post-modernizëm. Post-modernizmi ka nevojë për demokraci liberale ku i jepet përparësi individit, megjithatë mendoj se post-modernizmi është në vetvete një demokraci në radhë të parë, ku njeriu mund të operojë me fuqinë e tij intelektuale, me fuqinë e tij si vokacion, duke shkaktuar në publik një të mirë që nis nga individi, megjithatë ndoshta ky është një orintim i imi. Post-modernizmi është si një pasqyrë e modernizmit.
Gjithmonë kur ka një post ka një krizë që ndodh me modernizmin ashtu siç ka ndodhur për të bërë një lidhje me impresionizmin. Kriza e saj ishte ajo që solli post-impresionizmin që padyshim shkëlqyen akoma më shumë në raportin që kishin me shoqërinë dhe natyrën . Në këtë kontekst unë post-modernizmin e shoh si kritikun më të madhe, si rebelin më të madh si njeriun që kërkon dhe tenton të gjejë të vërtetat e mëdha, pavarësisht mundësive,” deklaroi mes të tjerash në “Refleksione”, pedagogu Ardian Isufi. /abcnews.al
