Partia Demokratike këtë të premte ka reaguar sërish pas vendimit të Prokurorisë në lidhje me ccështjen e kryebashkiakut të Matit, Agron Malaj.
Përmes një letre që mban firmën e Sekretarit të Përgjithshëm të PD, Gazment Bardhi dërguar ambasadores së SHBA-së Yuri Kim dhe ambasadorit të BE, Luigi Soreca, kërkojnë shkarkimin e tij.
Gjithashtu demokratët i bëjnë thirrje Komisionit Qendror të Zgjedhjeve të mblidhet dhe t’i heqë mandatin kryebashkiakut Malaj, pasi sipas kësaj force politike, është subjekt i ligjit të Dekriminalizimit.
LEXO EDHE:Prokuroria konstaton se Agron Malaj u dënua në ’99, KQZ do të vendosë për mandatin
Ndërkohë tre ditë më parë Prokuroria ka mbyllur hetimet në lidhje me këtë ccështje, duke theksuar se ai ka qenë i dënuar, por ligji nuk e penalizon të ushtrojë detyrën. /abcnews.al
