Partia Demokratike i është përgjigjur akuzave të kryeministrit Edi Rama për takimet elektorale të zhvilluara nga kryedemokrati Basha në shkelje të rregullave anti COVID.
Sipas PD humbja e zgjedhjeve e ka bërë nervoz Ramën dhe për këtë ai sulmon takimet tona elektorale.
Ndër të tjera selia blu në përgjigjen e saj thekson se Ramën e ka kapur paniku i humbjes dhe shqetësohet çdo ditë për mikpritjen e shqiptarëve për Lulzim Bashën.
LEXO EDHE: Grumbullimet, Rama i kthehet Bashës: Lus Zotin që këta të verbër të mos përfundojnë në spitale
“I kapur mat në panikun e humbjes, Edi Rama shqetësohet çdo ditë për mikpritjen e shqiptarëve për Lulzim Bashën.
Edi Rama e ka kuptuar që shqiptarët duan ndryshimin dhe askush nuk e ndal dot më këtë.
Humbja e zgjedhjeve e ka bërë nervoz dhe për këtë ai sulmon takimet tona elektorale.
PD është parti që funksionon sipas rregullave dhe ligjeve në fuqi.
Kërcënimet dhe keqinformimet e Edi Ramës nuk e ndalojnë dot rrugën drejt fitores së Partisë Demokratike.
Në 25 prill Rama do të humbë dhe Shqiperia do të fitojë:, thuhet në deklaratën e PD-së./abncews.al
