Partia Demokratike Dega Shijak, përmes një postimi në Facebook, ka reaguar pas humbjes së zgjedhjeve të 25 prillit.
Në postim, PD e Shijakut i shpreh mbështetje kryetarit Lulzim Basha, duke u zotuar se do të jenë me të dhe lidershipin e PD-së në betejën për të bërë të mundur që Shqipëria të fitojë dhe në çdo betejë tjetër.
“Partia Demokratike Dega Shijak.
Jemi në betejën e nisur tashmë nga z.Lulzim Basha dhe lidershipi i PD për të çmomtuar qeverisjen e dalë nga vota e vjedhur.
Mbështesim fuqimisht kryetarin Lulzim Basha, në të gjitha hapat që do ndërmarrë për të çuar deri në fund betejën që do bëjë të mundur që Shqipëria të fitojë! Që vota dhe verdiktit i secilit të njihet e të vlerësohet”, thuhet në postim./abcnews.al
