Pak minuta na ndajnë nga puntata e dytë e spektaklit më të ri të humorit në ABC. Ashtu sikurse javën që shkoi, aktorët premtojnë argëtim dhe një sërë surprizash për shikuesit. “Kosherja” ngjiti në skenë emra të njohur si Bes Kallaku, Olta Daku, Algiona Aga, Erjona Kakeli, Denis Kurushi por dhe mjaft emra të rinj, duke u bërë kështu një zë për talentet e reja.
Interpretimi i Besit me rolet e tij ikonike duke nisur nga “Gjini”, Skifteri” apo simpatizanti i PD-së, dhe i aktorëve të tjera mbajtën përpara ekranit të ABC-së shikuesit të dielën që lamë pas. Ky projekt e solli Besin jo vetëm si një aktor, por gjithashtu dhe në rolin e moderatorit krah Jona Spahiut.
Pas puntatës së parë, Besi tha në emisionin “Abc-ja e mëngjesit” se: “Kosherja” është një angazhim jo i vogël, kështu që kam menjanuar disa punë të tjera për t’ju përkushtuar Kosheres. Kam përshtypjen që Kosherja, përveçse shpia e re humorit, është cikli i ri i humorit.”, tha Kallaku, /abcnews.al
