Pas një periudhe të gjatë izolimi, Europa rihap turizmin

schedule12:53 - 14 Maj, 2021

schedule 12:53 - 14 Maj, 2021

Pak nga pak në të gjithë Europën çdo gjë po shkon drejt normalitetit, dhe pse me hapa të ngadaltë. Sektori i turizmit është më paduruari për rihapjen e sezonit të verës me shpresën se do të përmirësojë situatën e krijuar nga mbyllja totale e një viti më parë.

Në një moment që fushata e vaksinimit avancon në të gjithë Europën, zonat turistike si Algarve në Portugali përpiqen të nisin sa më shpejt sezonin turistik për të marrë veten nga viti i kaluar.
Pronarët e hoteleve konfirmojnë prenotimet e shumta sidomos nga turistë të Europës Veriore, duke sjellë shpresë për sezonin veror.

Në Lampeduza, sfida turistike është e dyfishtë: sipërmarrës dhe tregtarë janë të shqetësuar në fakt se një valë e re emigrantësh, do të pengojë fluksin e turistëve. Ishulli italian u përball me pandeminë duke qëndruar zonë e kuqe për shumë kohë, por shqetësimi më i madh mbeten emigrantët.

Lokale dhe aktivitete kulturore kanë qëndruar mbyllur për një kohë të gjatë dhe në Spanjë. Por tashmë një nga teatrot më të famshëm në botë është gati të hapë dyert, një herë në javë , të shtunave me dy spektakle që do të lejojnë 30 spektatorë të shijojnë flamengon e vërtetë. Inaugurimi është parashikuar për të enjten e javës së ardhshme, në 20 maj me rastin e përvjetorit të mbrëmjes së parë 65 vjet më parë.

Të hënën, restorantet në të gjithë Mbretërinë e Bashkuar mund të kenë më në fund klientë dhe në ambientet brenda./abcnews.al