Pas një pritjeje prej më shumë se 140 vitesh, pesë kullat qendrore të bazilikës së famshme Sagrada Familia në Barcelonë janë përfunduar.
Këshilli i Ndërtimit të Sagrada Familia po punon drejt përfundimit të Kullës së Jezu Krishtit në vitin 2026, që përkon me njëqindvjetorin e vdekjes së Antoni Gaudi.
Kulla e Jezusit do të jetë kulla qendrore e tempullit dhe më e larta, duke arritur 172.50 metra. Ajo do të kurorëzohet nga një kryq 17 metra i lartë, me katër krahë 13.50 metra të gjerë.
Të mërkurën e kaluar u vendos skulptura e fundit në kullën e Shën Mateut Ungjilltar. “Katër kullat e Ungjilltarëve kanë përfunduar! Së shpejti do ta festojmë këtë moment historik ndërtimi!”, njoftoi Kisha në një postim në Facebook të premten e kaluar.
Vepra mbresëlënëse arkitekturore e projektuar nga Gaudi është shpallur një sit i Trashëgimisë Botërore të UNESCO-s. Puna e ndërtimit në ndërtesë filloi në 1882. Gaudi aplikoi në 1885 për një leje ndërtimi në komunën e Sant Martí, por nuk mori kurrë përgjigje deri në vitin 2019.
Rreth 4.5 milionë njerëz vizitojnë Sagrada Familia çdo vit dhe 20 milionë të tjerë vizitojnë zonën për të parë kishën nga jashtë./abcnews.al
