Presidenti i El Salvadorit , Naguib Bukele, prezantoi ditën e djeshme planet për uljen e numrit të bashkive në vend, uljen e numrit të deputetëve (në 60 nga 84), ndërsa njoftoi se po shpall “luftën kundër korrupsionit”, duke premtuar se si do të ndërtohet një burg i ri për të strehuar kriminelët e jakave të bardha.
“Ashtu siç luftuam kundër krerëve të bandave, me gjithë forcën e shtetit, ne po bëjmë një luftë kundër korrupsionit”, theksoi Bukele.
“Ashtu siç ndërtuam një burg për terroristët, do të ndërtojmë një për të korruptuarit,” shpjegoi ai.
Kreu i ri i shtetit u shpalli luftë bandave në mars të vitit 2022, duke shpallur gjendjen e jashtëzakonshme. Në 14 muaj, rreth 69,000 kriminelë të dyshuar u arrestuan pa urdhër arresti. Rreth 5 mijë u lanë të lirë pasi u konstatua se nuk kishin lidhje me “maras”, sipas autoriteteve.
Pavarësisht kritikave ndaj metodave të autoriteteve nga organizatat joqeveritare dhe Kisha Katolike, nëntë në dhjetë qytetarë e miratojnë “luftën” e pamëshirshme të presidentit kundër grupeve kriminale.
Kritikët e tij, megjithatë, tregojnë për valën e arrestimeve dhe burgimeve arbitrare, torturimin e të dyshuarve dhe vdekjen e dhjetëra njerëzve në paraburgim.
/abcnews.al
