Afganistani po mbyll ambasadën e tij në Norvegji, një ditë pas mbylljes së paralajmëruar të zyrës së tij përfaqësuese në Londër. Në një deklaratë të ambasadës në rrjetin X, bëhet e ditur se mbyllja do të bëhet të enjten dhe se ambientet në Oslo do t’i kalojnë Ministrisë së Jashtme Norvegjeze.
“Ambasada e Republikës Islamike të Afganistanit, si dhe shumë misione të tjera politike dhe konsullore të Afganistanit, do të vazhdojnë aktivitetet e saj me vlerat e respektimit të të drejtave të njeriut, pluralizmit dhe paqes, pavarësisht vështirësive të shumta dhe burimeve të kufizuara”, thuhet në një deklaratë të ambasadës.
Ministria e Punëve të Jashtme të Britanisë së Madhe njoftoi të hënën se Afganistani po mbyll ambasadën e tij në Londër.
Ndërsa, autoritetet talebane në Kabul nuk mund të lajmëroheshin për mbylljen e ambasadave në Oslo dhe Londër./abcnews.al
