Eksperti i Sigurisë Ilir Kulla, në emision “Zonë e Lirë” në ABC News, foli për vizitën e presidentit rus Vladimir Putin në Korenë e Veriut dhe në Vietnam.
“Vietnami është zhvilluar shumë. Ndërsa Rusia ka hapësirë pa fund. Ndërsa japonezët janë një popull shumë i disiplinuar. Sot bota po ndahet në dy blloqe, në Perëndimin demokratik, dhe në atë që ne kemi njohur si lindje, ku po bashkohet të gjithë pjesa tjetër, shpresoj që të mos kemi një luftë termobërthamore, dhe të jetë vetëm një luftë e ftohtë”, tha ai.
Kujtojmë se Presidenti rus Vladimir Putin tha këtë të premte se Rusia do të vazhdojë të zhvillojë arsenalin e saj bërthamor, më të madhin në botë, si një parandalues dhe të furnizojë ushtrinë që lufton në Ukrainë me armët dhe dronët më modernë.
Putini i bëri këto komente në Kremlin, duke folur me të diplomuarit e akademive të ushtrisë, policisë dhe inteligjencës.
“Ne planifikojmë të zhvillojmë më tej treshen bërthamore si garanci për parandalimin bërthamor dhe ruajtjen e ekuilibrit të fuqisë në botë”, tha Putin.
Triada bërthamore e Rusisë i referohet raketave bërthamore që ajo lëshon nga toka, ajri dhe deti.
/abcnews.al/
