Pas rinovimit të Zlatan Ibrahimovic, Milani është shumë pranë rinovimit edhe me mesfushorin turk, Hakan Calhanoglu. Numri 10 i kuqezinjve ka bërë ndeshje të shkëlqyera nën urdhrat e Piolit dhe ka qenë një ndër futbollistët më të mirë të Milanit në sezonin që lamë pas.
Calhanoglu ishte shumë pranë largimit në muajin janar, me disa skuadra nga Bundesliga të interesuara për firmën e tij, por vendosi të qëndrojë dhe ky vendim i tij, rezultoi i duhuri. Tashmë, Milani është gati edhe t’i rinovojë kontratën.
Detajet janë të tilla: Calhanoglu pritet të rinovojë deri në vitin 2024, me një rritje page nga ajo aktualja që përfiton, që është 2.5 milion euro në sezon. Gjithashtu, edhe një klauzolë pritet të vendoset në kontratën e re të fantazistit turk./abcnews.al
