Rreth 900 orë luksoze me vlerë gati 12 milionë euro u zhdukën në Japoni pasi u shkatërrua uebfaqja përmes së cilës ato ishin marrë me qira dhe pronari i tyre u largua në Dubai.
Pronarët e Rolexes dhe orëve të tjera luksoze fituan një komision mujor duke huazuar sendet e tyre të vlefshme në Toke Match, një shërbim me bazë në Osaka, pronarët e të cilit ua jepnin me qira klientëve të tyre.
Neo Reverse, kompania që operon shërbimin, njoftoi mbylljen e tij më 31 janar, duke premtuar se do t’ua kthejë të gjitha orët pronarëve të tyre. Por kjo nuk ndodhi. Mediat japoneze shkruajnë se rreth 900 orë me vlerë totale prej 1.9 miliardë jen ose 11.7 milionë euro nuk u janë kthyer pronarëve dhe duket se bëhet fjalë për 190 persona.
Disa orë me vlerë tashmë janë parë në faqet e ankandeve online, prandaj pronarët e tyre kanë bërë dhjetëra ankesa në policinë japoneze. Zëdhënësi i faqes tha javën e kaluar se “qarkullimi i atyre orëve u ndal menjëherë“.
Shoqata Japoneze për Ekonominë e Ndarjes njoftoi në një deklaratë se ka të dhëna sipas të cilave disa ora tashmë po ofrohen në dyqanet e përdorura.
Madhësia e tregut japonez të ekonomisë së përbashkët po rritet me shpejtësi dhe arriti një vlerë prej 16 miliardë eurosh vitin e kaluar fiskal./abcnews.al
