Ura e vjetër e Bunës është kthyer javët e fundit në një shqetësim serioz për banorët e Bashkisë Shkodër.
Dëmtimet e dërrasave kanë vështirësuar qarkullimin dhe janë bërë një rrezik për jetën e qytetarëve.
Lexo edhe: Ura e vjetër e Bunës drejt shkatërrimit, banorët: Është e rrezikshme të kalosh
Duke marrë në konsideratë shqetësimet e shprehura nga komuniteti, Bashkia Shkodër ka nisur gjatë të mërkurës punën për riparimin e urës, edhe pse kjo vepër nuk është në juridiksionin e saj, pasi i përket ministrisë së Mbrojtjes dhe asaj të Kulturës.
Dy ditë më parë, banorët shprehën shqetësimin e tyre përmes ABC.
Specialistët dhe punonjësit e bashkisë kanë nisur ndërhyrjet për të shmangur ndonjë tragjedi.
Bashkia Shkodër do të përmbyllë punën brenda pak ditësh, gjithmonë nëse nga ana e institucioneve qendrore nuk mbërrijnë urdhra shtesë për bllokim të punimeve./Abcnews.al./
