Mund të duket e pabesueshme, por është e vërtetë. Një 68-vjeçar ka zbuluar një bodrum që shërbente si strehë të sulmeve ajrore të Luftës së Dytë Botërore në shtëpinë ku ai ka jetuar për 40 vitet e fundit.
Khandu Patel, ngriti një kapak të fshehtë në kopshtin e shtëpisë së tij në Wolverhampton dhe u surprizua.
“Ne filluam të gërmojmë dhe u habitëm kur pamë se ishte një shkallë. Ishte mahnitëse duke parë të gjitha ato që nuk i dinim”, u shpreh ai për The Sun.
Patel dhe gruaja e tij Usha, 62 vjeç, kanë jetuar në shtëpi për 40 vjet por nuk dinin gjë për të. Shtëpia gjysmë e shkëputur u ndërtua në vitet 1920 dhe një pronar i mëparshëm kishte gërmuar një strehë të madhe për sulmet ajrore në kopsht. l.k/abcnews.al
