Pas 2000 vjetësh, në një luginë në malet e Kurdistanit në Irak, u gjet një qytet i humbur, sipas një studimi të ri të publikuar nga një ekip ndërkombëtar arkeologësh në revistën Antiquity.
Studiuesit kanë zbuluar rrënojat e atij që besohet të jetë qyteti i humbur i Natounia. Është një kështjellë e lashtë 2000-vjeçare e quajtur Rabana-Merquly, për të cilën ata pretendojnë se i përket këtij qyteti të humbur, bazuar në petroglifet e ndërlikuara të gjetura rreth tij që përshkruajnë liderët që kaluan nëpër zonë. Qyteti njihet edhe si Natounissarokerta, qytet ekzistencën e të cilit deri vonë e njihnim përmes monedhave, të cilat datojnë nga shekulli i parë para Krishtit.
Kjo fortesë dikur i përkiste Perandorisë Parthiane, e cila mbretëroi midis 247 para Krishtit. dhe 224 pas Krishtit.
Gjatë një misioni të fundit, grupi ndërkombëtar i arkeologëve zbuloi dy relieve identike shkëmbore në dy hyrjet e vendbanimit, i cili ndodhet në bazën e malit Piramagrun në malet Zagros të Kurdistanit të Irakut. Ata thuhet se përshkruajnë mbretin e Adiabene, një mbretëri që ishte pjesë e Perandorisë Parthiane.
Vlen gjithashtu të përmendet se kryearkeologu, Michael Broën, nga Instituti i Prehistorisë, Protohistorisë dhe Lindjes së Afërt në Universitetin e Heidelberg në Gjermani, e quan kështjellën në fjalë një “të vërtetë”./abcnews.al
