Loading ...
Ekipi i Partizanit shpallet kampion në superligën shqiptare 26 vjet pas marrjes së titullit të fundit. Të kuqtë fituan në derbin me Tiranën me rezultatin 2-1, duke siguruar kështu shpalljen kampion për këtë sezon, 3 javë para përfundimit të kampionatit.
Heroi për ekipin e partizanit, në derbin e luajtur në stadiumin “Selman Stërmasi” ishte shkodrani Çinari, i cili realizoi dy golat për ekipin e tij, duke tundur portën e Tiranës fillimisht në minutën e 30 dhe më pas duke dhuruar dhe golin e fitores në minutën e 72.
Goli i vetëm i shënuar nga Tirana, u realizua nga Greca.
Ndërsa të kuqtë pas kësaj fitore nisën festimet e ligjshme, humbja e sotme vështirëson pozitën e Tiranës. 3 javë para fundit bardhë e blutë gjenden në kuotën e 40 pikëve, dy më shumë se Kastrioti i vendit të 9-të./ABC News Albania 24/7
