Partizani është skuadra e momentit në “Abissnet Superiore”. Demat të udhëhequr nga Colella kanë arritur që të fitojnë 3 ndeshjet e para për këtë sezon, duke kryesuar klasifikimin me pikë të plota.
Por te të kuqtë nuk kaq festë. Në stërvitjen e fundit të zhvilluar në kuadër të përballjes me Erzenin për javën e 4-të të kampionatit që do të luhet ditën e diel në “Elbasan Arena”, 5 lojtarë janë stërvitur të diferencuar.
Kjo ka sjellë shqetësim te stafi i demave, pasi lojtarët kanë probleme fizike ose dëmtime që i kanë penguar ata të jenë të gatshëm për Colellën.
Ëngjëll Hoti vijon të ketë probleme, teksa edhe Mensah, Da Silva, Preka dhe Masanga janë ende jashtë.
Veç dëmtimeve, problem te Partizani është edhe dyshja afrikane Sembene dhe Maguet, që nuk dëshirojnë qëndrimin në klub dhe janë “degdisur” të stërviten me U-21. /f.a/abcnews.al
