Partizani po vazhdon me piketimin e lojtarëve që mund të bëhen pjesë e skuadrës për këtë sezon.
Demat kanë shfaqur shumë probleme në gjetjen e golit dhe kjo është një nga arsyet që të kuqtë janë të pozicionuar në mesin e tabelës së klasifikimit.
Klubi i Partizanit kërkon sulmues dhe duket se është gati për të finalizuar marrëveshjen e radhës. Drejtuesit e të kuqve janë në negociata me sulmues të ndryshëm, por janë pranë finalizimit me një futbollist 26-vjeçar serb.
“Panorama Sport” raporton se drejtuesit e Partizanit janë pranë marrëveshjes me një sulmues serb. Milan Mirosavljev është një futbollist tipik qendre, i cili pritet të zgjidhë problemet e repartit të sulmit.
Mirosavljev ka luajtur në skuadra të ndryshme në futbollin serb, ndërsa ka eksperienca me Buduçnost në Malin e Zi, me Irtysh në Kazakistan e së fundmi me Liepaja në Letoni, ku ka luajtur në vitin 2021, duke shënuar 2 gola në 11 ndeshje.
Për burimin në fjalë, futbollistin ka pranuar se është në negociata me klubin e kuq, ndërsa pritet të zgjidhen disa detaje për të firmosur marrëveshjen dhe për t’u bërë pjesë e të kuqve. /f.a/abcnews.al
