Një vend në të cilin demokracia interpretohej në një mënyrë të vecantë, por që për pikëpamje të tjera po bëhej gjithnjë e më e ngjashme me pjesën tjetër të Europës. Me një zhvillim në rritje, që po shtrihej gradualisht nga qytetet në fshatra, deri në veri dhe në lindje, shkruan corriere della sera
Rusia e viteve të para të presidencës Putin, nuk ekziston më dhe një numër gjithnjë e më i madh personash po binden që nuk do të rikthehet. Të paktën jo së shpejti. Në këtë mënyrë ata që munden merr valixhet dhe shkon të krijojë një jetë të re diku tjetër.
Ata që munden. Sepse përballë këtij mosbesimi të shprehur nga pjesa dinamike e shoqërisë, regjimi përgjigjet me norma gjithnjë e më të ashpra. Shumë shpejt drejtuesit e bankave në vend nuk do të mund të largohen nga vendi për arsye të sigurisë kombëtare. I njëjti ndalim do të vlejë dhe për ushtarë, agjentë policie, agjentë sekretë dhe shkëncëtarë në dijeni të informacioneve të rezervuara. Askush nuk mund të largohet nga vendi pa një leje të vecantë.
Mijëra rusë janë tranferuar në ish republika sovjetike ku nuk duhet viza, përfshirë Gjeorgjinë me të cilën Rusia luftoi në vitin 2008. Më pas në Turqi, Itali, Francë, Gjermani dhe Austri. Politologu Mikail Komin i cili e njeh shumë mirë aparatin shtetëror, thotë për Corriere della Sera se në të gjitha institucionet ekonomike, ku dihet shumë mirë se si është e vërteta, ka tension, Sipas tij në këto ambiente po ndodh një arratisje e përgjithshme zyrtarësh dhe menaxherësh, departamente të tëra po boshatisen. Dhe në bankën qendrore ka një hemoragji kuadrosh.
Për këtë arsye Duma ka gati një projektligj të hartuar nga partia e Putin, Rusia e Bashkuar, për të ndaluar largimin nga vendi të personave që kanë poste të larta në banka dhe institucione të tjera ekonomike.
/abcnews.al
