Parlamenti Evropian ka miratuar një rezolutë që e cilëson udhëheqësin bjellorus, Aleksandër Lukashenko si “bashkëpunëtor” të “krimeve” të Rusisë.
Në një raport mbi marrëdhëniet e tij me Bjellorusinë, organi thotë se regjimi i Lukashenkos kishte mundësuar “luftën e pajustifikuar të agresionit” të Moskës kundër Ukrainës, shkruan Sky News.
Prandaj, regjimi mban përgjegjësi “për shkatërrimin dhe dëmin e shkaktuar”, thuhet në rezolutë.
Ai u bën thirrje institucioneve të tjera të BE-së dhe vendeve anëtare të ndjekin penalisht zyrtarët bjellorusë “të cilët janë bashkëpunëtorë në krimin e agresionit, krimet e luftës, krimet kundër njerëzimit dhe krimet e gjenocidit të kryera kundër Ukrainës”./abcnews.al
