Manchester City nuk do e diskutojë titullin kampion në Premier League dhe Sky Sports ka guxuar të bëjë një parashikim, bazuar mbi numrin e golave të shënuar, golave të pësuar dhe pikëve mesatare të marra për ndeshje.
Nga llogaritë e bëra Manchester City e mbyll i pari me 89 pikë, 16 më shumë se Manchester United. Në vendin e tretë, me pikë sa “Djajtë e kuq”, parashikohet të dalë Leicester, ndërsa Chelsea bëhet skuadra e katërt që siguron një vend në Champions League.
? Liverpool miss out on top four
⚒️ West Ham qualify for #UEL
❌ Arsenal and Spurs struggle
Based on current goals scored, conceded and points per game – the final Premier League table looks interesting ?
— Sky Sports Premier League (@SkySportsPL) February 19, 2021
Skuadra e Thomas Tuchel lë pas vetes skuadrën e West Ham United vetëm prej golaverazhit. “Çekiçët” po paraqiten mjaft mirë këtë periudhë dhe normalisht pretendojnë Europa League. Parashikimi për Liverpool është që të renditet në vendin e gjashtë, mbi Aston Villa dhe Everton, me 63 pikë.
Në këto shifra, “The Reds” do të numëronin 36 pikë më shumë se sezonin e shkuar kur dolën kampionë. Më keq se skuadra e Klopp pas titullit kanë bërë vetëm Chelsea (2015/16) dhe Leicester (2016/17). Dhjetëshen e parë e mbyllin Tottenham dhe Arsenal. /abcnews.al
