“Nëse gjithçka mbetet ashtu siç është, atëherë do të jetë e nevojshme të themi se marrëveshja nuk është më funksionale,” tha në një deklaratë ministri i jashtëm rus Sergei Lavrov gjatë një vizite në Nairobi.
Marrëveshja e arritur korrikun e kaluar parashikon që Kombet e Bashkuara do të ndihmojnë Rusinë të kapërcejë çdo lloj pengesë ndaj eksporteve të saj të drithit dhe plehrave për tre vjet.
Lavrov tha se marrëveshja nuk po përmbushet. Marrëveshja OKB-Rusi u arrit së bashku me një marrëveshje që lejon eksportin e sigurt të ushqimit dhe plehrave në Detin e Zi nga Ukraina pas pushtimit rus të vendit në shkurt 2022.
Këtë muaj Moska pranoi të zgjaste marrëveshjen e Detit të Zi për dy muaj të tjerë, deri më 17 korrik, por tha se duhet bërë më shumë përparim për të përmbushur interesat e saj.
Lavrov tha se më pak se 3% e grurit sipas marrëveshjes është eksportuar në vendet më të varfra të botës.
/abcnews.al
