Kryetari i URA-s, Dritan Abazoviç ka paralajmëruar se nëse koalicioni i tij do të shkelë pikat e marrëveshjes për NATO-n dhe Kosovën qeveria do të bjerë.
Duke folur në një intervistë për televizionin serb NIN, ai deklaroi se politikanët e përgjegjshëm duhet t’i qëndrojnë marrëveshjes bashkë me koston e krizës politike.
“Unë pres nga ata që duan të jenë pjesë e marrëveshjes që të respektojnë marrëveshjen.
Nëse hipotetikisht ajo nuk përmbushet, qeveria do të bjerë. Fund i diskutimit. Politikanët e përgjegjshëm i qëndrojnë prapa marrëveshjes. Me koston e krizës politike”, tha Abazovic për NIN./m.v. abcnews.al
