Ish-trajneri i Shqipërisë, Christian Panucci, ka folur për “Sky Sport” në lidhje me sezonin e ardhshëm duke zbuluar skuadrën që, sipas tij, do të jetë favorite për titullin në Serinë A.
“Ka shumë dëshirë për të marrë kampionë në Itali dhe për ta kthyer lart kampionatin, besoj se kishte vite që nuk kishte një konkurrencë kaq të madhe.
Inter-i ka marrë Lukaku-n, Milan-i ka marrë Origi-n, të shohim se si do të lëvizë Juventus-i me Paul Pogba dhe Angel di Maria”, ka theksuar Panucci.
Për Roma-n: “Është e sigurt se kjo është Roma e Mourinho-s, e kemi parë në muajt e fundit të sezonit. Zaniolo është një lojtar që ka forcë dhe cilësi, është një lojtar i rëndësishëm te Roma. Ai do të vendosë të ardhmen e tij tani, por është absurde ta vësh në diskutim”.
Për Inter-in: “Me Inzaghi-n bëjnë një lojë ndryshe nga ajo me Conte-n, sipas mendimit tim, Inter mbetet favorite siç ishte vitin e kaluar edhe pse më pas e humbi kampionatin, është akoma më shumë favorite me Lukaku-n”.
Për Monza-n: “Dybala është një kampion i madh, në periudhën e fundit ka patur shumë pak vazhdimësi tek Juventus-i. Do t’i bënte punë të gjitha skuadrave, edhe Milan-it. Monza do të bëjë blerje të mëdha sepse Galliani është një nga ata që nuk i pëlqen thjeshtë të marrë pjesë”. /f.a/abcnews.al
