Berat Gjimshiti është detyruar të lërë sot fushën e lojës në ndeshjen e Serisë A mes Torino dhe Atalanta pas vetëm pak minutash nga nisja e përballjes së javës së 14-të të kampionatit, e cila po zhvillohet në “Stadio Olimpico di Torino”.
Kapiteni i Kombëtares shqiptare, i kthyer në një nga elementët më të rëndësishëm të Atalantës, ka ndjerë shqetësime muskulore vetëm 15 minuta pasi filloi ndeshja e sotme që mbyllte javën e 14 në Serinë A dhe ku ekipi i tij tenton t’i afrohet përsëri zonës Champions.
Futbollisti ka bërë shenjë për zëvendësim dhe është larguar nga fusha, duke i lënë vendin Baker. Mediat italiane raportojnë për probleme muskulore, por detajet më të hollësishme do të jepen pas sfidës nga stafi mjekësor i klubit. /i.m /abcnews.al
