Sipas një raporti të BE-së, gratë në vendet e Bashkimit Europian janë prekur në mënyrë disproporcionale nga pandemia e koronavirusit sepse ato përbëjnë shumicën dërrmuese të punonjësve në vijat e para të frontit.
Pandemia ka sjellë gjithashtu një rritje të dhunës ndaj grave, sipas një raporti vjetor të BE-së mbi barazinë gjinore.
“Pandemia COVID-19 ka ndikuar në mënyrë disproporcionale në jetën e grave,” thuhet në raport.
Rreziqet shëndetësore për gratë janë rritur gjithashtu edhe ngarkesa e tyre në punë së bashku me sfidat për ekuilibrin e tyre të jetesës dhe punës. Gratë gjithashtu morën më shumë përgjegjësi gjatë izolimit nga pandemia.
Kjo ka rritur dhunën në familje në Francë, Lituani, Irlandë dhe Spanjë gjatë bllokimit të parë të Europës në pranverën e vitit 2020. Gratë gjithashtu bënë më shumë punë sesa burrat që kërkonin kontaktin fizik dhe janë prekur më shumë nga kufizimet e vendosura për të frenuar përhapjen e koronavirusit.
“Përfaqësimi i tepërt i grave në sektorë dhe profesione me pagë më të ulët i bëjnë ato më të prekura në tregjet e punës të goditura nga kriza COVID-19,” sipas raportit.
Punësimi i grave në BE ka pësuar rënie në krahasim me punësimin e burrave në fillim të pandemisë dhe gratë që atëherë kanë pasur më shumë vështirësi për të gjetur punë të reja.
Tendenca të tilla mund të çojnë në pensione më të ulëta për gratë, duke zgjeruar hendekun e pensioneve gjinore dhe pabarazitë e tjera për dekadat që do të vijnë./abcnews.al
