Nga Erblina Mile
Prodhuesit e veshjeve dhe të këpucëve në vend po përjetojnë një krizë të thellë për shkak të pandemisë së Covid -19.
Altenisa Brahelika tregon se gjatë marsit kanë pasur një rënie drastike të porosive dhe kontratave kryesisht nga vende e BE-së të cilat po i japin mbështetje ekonomive kombëtare.
“Sektori fason sidomos ai i këpucëve ka një rënie shumë të madhe për shkak të pandemisë. Vende si Gjermania, Italia përpiqen që prodhimin ta mbajnë dhe suportojnë ekonominë e tyre”, ka thënë ajo.
Kriza e pandemisë në sektorin fason ka detyruar rreth 70 subjekte të mbyllin aktivitetin ndërsa ndërmarrje të mëdha po largojnë nga puna rreth 200 punonjës në ditë.
Përfaqësues të sektorit fason ankohen se nuk kanë asnjë mbështetje nga qeveria.
Ndërsa theksojnë se fakti që jemi në prag zgjedhjesh e vështirëson edhe më shumë gjendjen .
Fasonët po thellojnë rënien e aktivitetit të tyre gjatë muajve të parë të këtij viti ku rezulton se në janar shitjet kanë pësuar ulje me 12% dhe në shkurt me 18%./abcnews.al
