Ndërsa përplasjet mes Izraelit dhe Hamasit në Rripin e Gazës janë ndezur, Bregu Perëndimor është nën bllokadë të pjesshme. Yannis Anagnostou, një ekzekutiv i Mjekëve pa Kufij, i cili punon si psikolog foli për ankthin e palestinezëve për ANT1 dhe për atë që po ndodh në zonë që nga 7 tetori, kur nisën përplasjet mes dy palëve.
“Në Jenin konkretisht, që nga data 7 e muajit, numri dhe shpeshtësia e bastisjeve nga ushtria izraelite në kampin e Jeninit dhe zonën përreth është rritur ndjeshëm, shumë arrestime dhe shumë vdekje. Që nga data 7 e muajit në Bregun Perëndimor ka pasur gjithsej 100 vrasje të palestinezëve nga ushtria izraelite, ku një përqindje shumë e madhe e këtyre njerëzve janë fëmijë dhe gra”, tha ai.
“Palestinezët këtu po shikojnë se çfarë po ndodh me palestinezët në Gaza dhe ata po presin që disi t’u vijë radha. Ata presin që Bregu Perëndimor të bëhet Gaza e re, të kenë një bllokadë të plotë dhe të ketë një përshkallëzim vertikal të dhunës. Pra, ka shumë ankth, ka shumë tension, ka shumë trishtim dhe zemërim”, shtoi ai.
“Në të njëjtën kohë sistemi shëndetësor në Gaza po shembet nën peshën e bombardimeve dhe operacioneve të njëpasnjëshme tokësore të ushtrisë izraelite. Fatkeqësia humanitare që po ndodh tashmë atje me 12 nga 35 spitalet që nuk funksionojnë, me mungesën, pa energji elektrike, me të gjitha këto spitale të mbingarkuara duke u mbytur me njerëz me probleme shëndetësore dhe njerëz që përpiqen të kërkojnë azil nëpër spitale.
“Mendoj se një sulm tokësor do të rrisë rrezikun për sigurinë e njerëzve dhe sigurisht për sigurinë e shërbimeve shëndetësore”, përfundoi Yiannis Anagnostou.
