Palestina kanë akuzuar Izraelin se po përdor bomba me fosfor në zonat e populluara të Rripit të Gazës. Në një deklaratë të bërë në llogarinë e ministrisë së Punëve të Jashtme të Palestinës në platformën X, thuhet se: “Izraeli po përdor fosfor të bardhë të ndaluar ndërkombëtarisht kundër palestinezëve“.
Ende nuk ka asnjë deklaratë nga Izraeli lidhur me këtë pretendim. Përdorimi i armëve me fosfor të bardhë për të gjeneruar një ‘perde’ tymi dhe për të mbuluar lëvizjet e trupave pranohet ligjërisht, por Konventa e Gjenevës e vitit 1980 ndalon përdorimin e tij në zona me popullsi të dendur.
Izraeli vazhdon sulmet ajrore në Rripin e Gazës për të pestën ditë, pas një sulmi me shumë fronte të Hamasit në qytetet izraelite pranë territorit bregdetar. Hamasi tha se sulmi ishte në përgjigje të shkeljeve izraelite në kompleksin e xhamisë Al-Aksa në Jerusalemin Lindor dhe rritjes së dhunës së kolonëve.
