Paolo Maldini dhe Zvonimir Boban pritet të largohen nga Milani në fund të sezonit. Përplasjet mes shefin ekzekutiv, Ivan Gazidis kanë krijuar një atmosferë negative te kuqezinjtë, diçka që nuk po i pëlqen aspak Zlatan Ibrahimovic.
Suedezi dëshiron të vazhdojë aventurën me skuadrën italiane, por largimi i dy personave që e rikthyen te Milani mund të sjellë edhe largimin e tij. Gazzetta dello Sport raporton se sulmuesi 38-vjeçar do të takohet këtë javë me Gazidis.
Një takim që do ta qartësojë shumë gjëra dhe të ardhmen e suedezit. Tifozët shpresojnë që Ibra të vazhdojë të udhëheqë Milanin, por klubi është përfshirë nga kaosi dhe asnjë opsion nuk përjashtohet. /abcnews.al
