Zelanda e Re ka miratuar një ligj të ri që do të garantojë barazinë e pagave midis burrave dhe grave , duke siguruar që asnjë individ të mos paguhet më pak për shkak të gjinisë së tyre. Parlamenti i Zelandës së Re miratoi njëzëri Ligjin për Ndryshimin e Pagesave të Barabarta dhe shpreson që kjo do të rezultojë e suksesshme dhe me të drejta ekonomike për të gjithë qytetarët.
Ndërsa legjislacioni për paga të barabarta ka qenë në fuqi në Zelandën e Re që nga viti 1972, ky projektligj i ri shkon më tej duke siguruar gratë në role të dominuara historikisht nga femrat, dhe të cilat shpesh kanë pagë më të ulët, paguhen njësoj si burrat në role të ndryshme që janë paguar historikisht më shumë.
Kjo do të thotë që barazia nuk është e garantuar vetëm midis roleve të njëjta, por nëpër fusha të ndryshme të punës, duke garantuar pagë të barabartë për punë të barabartë, shkruajnë mediat e huaja.
Qeveria e Zelandës së Re ka hartuar udhëzime se si të krahasohet puna në role të ndryshme dhe në sektorë të ndryshëm të ekonomisë./abcnews.al
