Uellsi fitoi 2-0 ndaj Turqisë dhe numëron 4 pikë në grupin A të Euro 2020. Të dielën zhvillohet ndeshja ndaj Italisë, rreth së cilës flet Robert Page, trajneri i kombëtares.
“Do të ishte fantastike nëse ia dalim të kualifikohemi në raundin tjetër me katër pikë, por kemi filluar të fokusohemi dhe mendojmë për ndeshjen me Italinë. Do të përgatis një formacion sa më konkurrues, me synimin për të mposhtur Italinë.
Ne luajmë gjithmonë për fitore, kështu do të ndodhë edhe të dielën“, deklaron Page, i cili ndalet edhe te Gareth Bale, ylli i kombëtares ishullore. “Ka një shkak pse Bale është kapiteni ynë.
Gareth gaboi penalltinë, e vërtetë, por ia doli të reagojë menjëherë në mënyrën më të mirë, duke krosuar golin nga goditja e këndit që solli edhe golin tonë të dytë“, përfundoi trajneri i Uellsit. /abcnews.al
