Për shkak të vështirësive ekonomike paga prej 26 mijë lekësh duhet të shpërndahet për një fashë më të gjerë të punësuarish.
Ekspertët kontabilist theksojnë se vlerësimi biznes i vogël apo i madh është relativ dhe e rëndësishme është një në këtë periudhë të ndihmohen sa më shumë persona që jetojnë me një pagë.
Po ashtu Sotiraq Dhamo thekson se pjesë e vendimit për pagesën minimale të punonjësve duhej të ishte edhe muaji mars.
“Qeveria të paktët të kishte parashikuar me hapa ndihmën e punonjësve.të ishte më trasparente majin mars të ndihmonte një pjesë dhe kështu dhe në vijim. Unë gjykoj sepse nëse do të niste në prill do të ishte e padrejtë”, është shprehur Dhamo.
Vendimin për shtyrjen e bilanceve e cilëson të mangët. Dhamo thekson se ndihma e vërtetë për bizneset në këto kohë të vështira do të ishte shtyrja e pagesës së tatim-fitimit.
“Duhej thënë se shtyhet dorëzimi i informacionit tatimor për pasqyrat financiare. Ndërsa masa do të ishte e plotë nëse do të shtyhej edhe tatimi për fitimin për vitin 2019. Një profesionist dhe një biznesmen e kupton qartë se s’ke si të plotësosh deklaratën e tatimit mbi fitimin deri më 31 mars nëse nuk ke bërë pasqyrat financiare. Masa nuk është e plotë.”, ka thënë ndër të tjera eksperti.
Ekspertët sygjerojnë që pjesë e paketës së ndihmës të jetë edhe qiraja pasi preken si qiradhënësit ashtu edhe qiramarrësit./abcnews.al
