Tashmë dihet se Mesut Ozil është transferuar në radhët e Fenerbahces, pasi ndërpreu kontratën me Arsenalin. Klubi turk arriti ta transferonte lojtarin me parametra zero, por problemi qëndron tek paga e tij. Ozil fitonte rreth 18 milionë paund në Londër, por ai ka pranuuar një ulje prej 5 milionë për t’iu bashkuar ekipit të zemrës.
Megjithatë, shifra mbetet sërish e lartë dhe një kohë pandemie është e vështirë për t’u përballuar për këdo klub. Kështu, presidenti i Fenerbahces, Ali Koc, ka kërkuar ndihmën e tifozëve për ta ndihmuar atë financiarisht për të zyrtarizuar lëvizjen.
“Ne kemi një kërkesë për tifozët tanë. Ju lutem vazhdoni të na mbështesni, pasi kemi nevojë për mbështetjen tuaj financiare. Në ditën e nënshkrimit të Ozil, unë do t’iu kërkoj të thyejmë një rekord së bashku përmes një fushate SMS-së. 300.000, 500.000 apo dhe një milionë mesazhe me tekst priten të vijnë. Kjo mbështetje do të na bënte shumë mirë”, është deklarata e Koc.
“Fushata” Mesutol do të startojë këto ditë dhe një mesazh do të kushtojë më pak se 2 paund. Të gjithë mesazhet do të dërgohen në numrin 1907, vitin e themelimit të klubit. Tashmë e kanë tifozët në dorë.
