Presidentja e Kosovës, Vjosa Osmani ka zhvilluar një takim me ambasadorin e Austrisë Christoph Weidinger.
Në këtë takim kanë biseduar për zhvillimet e përgjithshme në vend, për përgatitjet e Kosovës për strehimin e qytetarëve nga Afganistani si edhe për dialogun me Serbinë.
Osmani është shprehur se Kosova është e hapur për të strehuar qytetarët e Afganistanit, ndërsa sa i përket dialogut me Serbinë ka ripërsëritur qëndrimin e saj për njohjen e Kosovës nga ana e Serbisë.
Së fundmi Osmani ka falënderuar Austrinë për mbështetjen që i ka dhënë Kosovës në faza të ndryshme historike.
/abcnews.al/
