Osasuna përfundoi e 7-ta në La Liga dhe pas 16 vitesh rikthehet në Evropë. Nëse gjithçka shkon mirë, skuadra do të garojë në Europa Conference League. Por UEFA po shqyrton të gjitha parametrat dhe mundësinë e ndëshkimit të skuadrës nga Pamplona.
Sipas rregulloreve të UEFA-s, sa herë që një ekip konkurron në kompeticionet e tyre, në mënyrë të paracaktuar hapet një proces hetimi për të verifikuar nëse ata janë në përputhje ose jo me rregulloret. Gjykata e Lartë konfirmoi në janar 2023 dënimin e bordit të Osasuna për sezonet 2012-13 dhe 2013-14 për pjesëmarrje në trukime ndeshjesh, parregullsi, falsifikim dokumentesh dhe korrupsion sportiv.
Sipas gjykatës, klubi mori pjesë në trukime ndeshjesh duke paguar Betisin 400,000 euro për të mposhtur Valladolidin.
Menaxheri i klubit në atë kohë pranoi se nuk ishte hera e vetme që Osasuna pagoi një kundërshtar, pasi Deportivo La Coruna (150,000 euro) dhe Getafe (400,000 euro) ishin paguar gjithashtu një vit më parë.
Osasuna nuk ka informacion zyrtar për hetimin dhe po përpiqet të mbledhë informacion. Nëse UEFA, sipas rregullores së saj, e sheh të nevojshme ndëshkimin e skuadrës me ndalim europian, atëherë vendin e tyre do ta zërë Bilbao i 8-të. /G.D abcnews.al/
