Brenda pak orësh do të kuptohet më qartë nëse Leao do të jetë në dispozicion të Piolit për derbin ndaj Interit në mbrëmje.
Gjithsesi, edhe pse është munduar të stërvitet me grupin në Milanello, “Gazzetta dello Sport” raporton se sulmuesi portugez me shumë mundësi nuk do të jetë në gjendje të përballet ndaj Interit në San Siro.
Ai u paraqit në mëngjesin e sotëm në zyrat e klubit dhe iu nënshtrua një kontrolli, u aktivizua me grupin në stërvitje, por gjasat janë që Leao ta shohë ndeshjen nga tribuna.
Asgjë nuk është ende konkrete, asgjë nuk është shkruar mbi letër të bardhë, por koha po kalon dhe optimizmi zbehet pak nga pak.
Gjithsesi, Pioli ka bërë gati formacionin dhe taktikat me Saelemaekers në formacionin titullar./ h.ll/abcnews.al
