Mbrojtësi i Everton, Lucas Digne, është i mahnitur nga puna e bërë nga trajneri Carlo Ancelotti. Që nga ardhja e tij në pankinë, Evertoni pati një seri rezultatesh pozitive, duke i rikthyer shpresat tifozëve se klubi i tyre i zemrës mund të luajë në Champions League sezonin tjetër.
”Objektivi jonë është ta përfundojmë sezonin në zonën e Europës. Nëse diçka e tillë ndodh, atëherë do të ishte një sukses për klubin dhe tifozët. Kemi shumë lojtarë të mirë dhe projekti jonë po mer formë dita ditës”, deklaron anësori për “Sky Sports”.
“Ky është sezoni im i dytë këtu dhe jam shumë i lumtur. Që nga ardhja e trajnerit Ancelotti, ekipi është më i motivuar. Do ta provojmë deri në fund dhe besojmë që sezonin tjetër mund të luajmë në Champions. Unë po përpiqem të jap maksimumin tim në çdo ndeshje. Po punoj çdo ditë për të ruajtur formën”, mbyll francezi. /abcnews.al
