Milan, Napoli apo Bologna? E ardhmja e Zlatan Ibrahimovic sillet rreth këtyre tre skuadrave. 38-vjeçari do të rikthehet në Serie A dhe është pranë transferimit te Bologna.
Gazzetta dello Sport raporton se Marco Di Vaio, shefi i skautëve të ekipit emilian, ka udhëtuar drejt Los Angelos për t’u takuar me sulmuesin suedez.
Një veprim i tillë është vlerësuar nga Ibra, i cili pritet të bashkohet përsëri me Sinisa Mihajlovic. Të dy kanë luajtur së bashku tek Interi dhe tani mund të nisin një etapë të re, me Ibrën në majën e sulmit të Bolognës dhe Mihajlovic në pankinë. /abcnews.al
